Facebook нь нийт 2.6 тэрбум хэрэглэгчтэй дэлхийн хамгийн том нийгмийн сүлжээний сайт бөгөөд Харилцаа холбооны зохицуулах хорооны мэдээлснээр Facebook хэрэглээгээрээ Монгол улс нь 2.2 сая  хэрэглэгчидтэйгээрээ Ази тивдээ тэргүүлж байна.

Энэхүү нийгмийн сүлжээний сайт нь бизнес эрхлэгчдэд байгаа газраасаа үл хамааран бизнесээ зах зээлд таниулж, зорилтот хэрэглэгчдээ татах мөн тэднийг үнэнч хэрэглэгч болгон, борлуулалтаа нэмэгдүүлэх, сурталчлах боломжийг харьцангуй хямд зардлаар олгодог.

Та ч мөн Facebook-т олон улсын картаа холбоод л өөрийн бизнесийн сурталчилгааг эхлүүлэх боломжтой.

Төлбөртэй сурталчилгааг хэрхэн ашиглах вэ?

Өөрийн Page дээрх контентоо олон хүнд хүргэхээс гадна зорилтот сегмент зааж өгөх боломжтой “Boost Post” буюу төлбөртэй сурталчилгаа нь бүхий л төрлийн бизнес болон бизнес эрхлэгчдийн хувьд хамгийн түгээмэл сурталчилгааны сувагт тооцогддог.

Ингэхийн тулд Та Facebook компанид төлбөрөө төлөх хамгийн найдвартай, олон улсын эрхтэй банкны карт эсвэл Paypal account байх хэрэгтэй.

Та тухайн постын дор харагдах BOOST POST цэнхэр товчийг дарснаар дор харагдах дэлгэц гарч ирэх болно.

Хамгийн эхэнд байрлах OBJECTIVE хэсгээс сурталчилгааны зорилгоо сонгох шаардлагатай бөгөөд “Илүү их REACTION буюу хандалт авах” болон “Илүү их хүнтэй холбогдох” гэх үндсэн 2 сонголтоос сонгох боломжтой. BUTTON хэсэгт таны сурталчилгаа хэрэглэгчдэд харагдахдаа ямар байдлаар хүргэх боломжтойг асуух бөгөөд SEND MESSAGE буюу мессеж бичих боломжтойгоор эсвэл LEARN MORE буюу таны заасан линк рүү шилжих гэх мэт олон сонголттойгоор хүргэх юм.

AUDIENCE хэсэгт Та сурталчилгаагаа ямар хүмүүст хүргэхийг хүсэж байгаагаа зааж өгөх бөгөөд байршил, сонирхлоор нь сонгон маш нарийвчлан тодорхойлох боломжтой байдаг.

DURATION and BUDGET хэсгээс сурталчилгааны зардал болон үргэлжлэх хугацааг зааж өгөх бөгөөд таны заасан төсөв болон хугацааг хооронд нь харьцуулан нийт хүрэх боломжтой хэрэглэгчдийн тоог тооцоолон гаргаж өгдөг. Мөнгөн дүн өндөр байх тусам хүрэх хүмүүсийн тоо нэмэгддэг гэсэн үг.

Хамгийн сүүлд PAYMENT бүлэгт төлбөрөө төлөх карт буюу дансны сонголтоо сонгосноор сурталчилгаа “BOOST” хийхэд бэлэн болно. Гэвч карт холбогдоогүй үед шинээр үүсгэх шаардлагатай болно.

Та картаа холбохдоо баруун доор байх BOOST товчийг дарснаар дээр харагдах цонх гарч ирэх бөгөөд Карт эзэмшигчийн нэр, картын 16 оронтой дугаар, дуусах хугацаа, болон картын хойно байрлах CVV кодыг бөглөж CONTINUE товчийг дарснаар таны сурталчилгаа эхлэхэд бэлэн болно.

Таны бизнесийн нэр хүнд, ашиг орлоготой шууд холбогдох сошиал сурталчилгаандаа Монголын хамгийн өргөн гадаад харилцаа, мэдээллийн аюулгүй байдлын стандартыг бүрэн хангасан ХХБанкны олон улсын картыг ашиглахыг зөвлөж байна. Танд амжилт хүсье.