Амралт, зугаалгын сар гарах гэж буйтай холбогдуулж, Эрүүл мэндийн яамнаас иргэдийг гэртээ олон хүн цуглуулахгүй байхыг зөвлөжээ. Мөн зусланд гарахдаа халдварт өвчнөөс хэрхэн урьдчилан сэргийлэх талаар дараах зөвлөмжийг гаргасан байна.
- Зуслангийн байрны хана, шал зэрэг хатуу гадаргууг 1 литр усанд 0,25мл белизна (хлор агуулсан бодис) хийсэн уусмалаар сайтар цэвэрлэж халдваргүйжүүлэх
- Хашааны ил задгай хог хаягдлыг зайлуулах
- Хорхой, шавьжны устгал хийлгэх
- Бие засах газрыг халдваргүйжүүлэх (жавелин, хлорсепт, үнс)
Айл өрхөд:
- Гараа тогтмол угаах, спиртэн суурьтай гар халдваргүйжүүлэгч хэрэглэх
- Нүүр, нүд, ам, хамартаа хүрэхгүй байх
- Бусадтай гар барихгүй, тэврэлдэхгүй, үнсэлдэхгүй байх
- Гэртээ олон хүн цуглуулахгүй байх
- 22 цагаас өмнө унтаж дархлаагаа дэмжих
- Хүн бүр өөрийн аяга, тавагтай байх
- Ахуйн хэрэглээний халдваргүйжүүлэх бодисоор аяга, таваг угааж, цэвэр усаар сайтар зайлах
- Булаг, шандны усыг буцалгаж хэрэглэхийг сануулсан байна.
