Эрүүл мэндийн яамнаас цаг үеийн асуудлаар мэдээлэл хийхдээ Увс аймгийн хоёр иргэн ОХУ-ын Тува улс руу морьтой гарах гэж байгаад баривчлагдсан талаар мэдээллээ. Тухайн хоёр иргэнийг ажиглалтад авч тусгаарласан аж.
Энэ талаар ХӨСҮТ-ийн захирал Д.Нямхүү "Дэлхийн улс орнууд өндөржүүлсэн бэлэн байдалд шилжсэн энэ үед ийм үйлдэл гаргасанд харамсч байна. Тува бол голомтын бүс. Ийм бүс рүү хулгайгаар зорчсон нь эрүүл мэндийн ажилтнуудын ажлыг үнэгүйдүүлсэн явдал.
Энэ сарын 30-нд нийт 31 шинжилгээ хийсэн. Бүх хариу сөрөг гарсан. Алтанбулуга боомтоор орж ирсэн жолооч нараас халдвар илрээгүй. Нийт 179 батлагдсан тохиолдлоос хүндэвтэр 19 байна. Жирэмсэн эмэгтэй гурав байна. Элэгний хавдартай нэг хүн, чихрийн шижин өвчтэй нэг хүн байна. ХӨСҮТ-д нийт 169 хүн хянагдаж байна.
Онцгой, эрүүл мэнд, цагдаагийн байгууллагаас хил гаалийн бүсэд ажиллана. Тусгаарлалтын хугацаа дуусаж байгаа хүмээсээс давтан шинжилгээ авах ажлыг зохион байгуулна" гэлээ.