УИХ-ын 2020 оны сонгуульд 14 нам, эвсэл, 121 бие даан нэр дэвшигч өрсөлдөхөөр өнөөдөр үнэмлэхээ гардан авсан.

Энэ удаагийн сонгууль хамгийн олон бие даагч өрсөлдөхөөрөө онцлог бөгөөд нэр дэвшигч дундаас хамгийн залуу нь О.Мөнхтулга юм. Тэрбээр нийслэлийн Баянгол дүүргээс бие даан өрсөлдөнө.   

Батламжаа гардан авах үеэрээ тэрбээр “Намайг дэмжиж залуу аав нарын төлөөлөл ирлээ. Үнэхээр баяртай байна. Сонгуулийн сурталчилгаа энгийн байх ёстой. Бид сүр дуулиантай арга хэмжээ хийж, өнгөөр ижилсхийг хүссэнгүй. Энгийн байдлаар найзууддаа, иргэддээ ойлгуулахыг хичээж байна. Өнөөдөр залуучууд бид яллаа. Үүний баталгаа нь цэнхэр үнэмлэх юм.

Намайг дэмжсэн бүх хүмүүст баярлалаа. Энэ удаагийн сонгууль өмнөх жилүүдтэй харьцуулахад харьцангуй олон бие даагчтай, шударга сонгууль болно” гэдэгт итгэж байгаагаа онцолж байлаа.

А.Сүх