Эрүүл мэндийн яамнаас цаг үеийн асуудлаар мэдээлэл хийлээ.
Дэлхийн 216 оронд 6.471.000 гарй хүн халдвар авсны 381.000 нь нас баржээ. Мөн 3 сая хүн эмчлэгдэж байгаа бол 2.9 сая хүн эдгэрчээ. Сүүлийн 24 цагийн байдлаар 108 мянган хүн халдвартай нь батлагдан, 4000 хүн нас баржээ. ОХУ-д 24 цагт 8000 гаруй хүн халдвар авч, Эрхүүд 210, Тувад 46 тохиолдлоор нэмэгдэн өвчлөлийн тархалт буурахгүй хэвээр байна.
Энэ үеэр ХӨСҮТ-ийн Тандалт, судалгааны албаны дарга А.Амбасэлмаа иргэдээс авсан шинжилгээний хариуг танилцуулсан юм. Тэрбээр “Энэ сарын 2-нд ХӨСҮТ-ийн хоёр, Зооноз судлалын үндэсний төв болон Дархан-Уул аймгийн салбар лабораторид нийт 374 хүний шинжилгээ хийгдсэн. Бүгд сөрөг гарсан.
Тодруулбал, тандалтын зорилгоор цуглуулсан 8, ажиглах байранд тусгаарлагдсан 8, Зэвсэгт хүчний үүргийн онгоцоор ирсэн 126 хүний давтан шинжилгээ, Алтанбулгийн боомтоор орж ирсэн 209 хүний давтан мөн Орхон, Дархан-Уул аймагт тусгаарлагдсан иргэдийн давтан шинжилгээ сөрөг гарсан.
Түүнчлэн Алтанбулгийн боомтоор орж ирсэн 29 тээврийн жолоочид шинжилгээ хийсэн. Бүгд сөрөг гарсан. Өнөөдөр ХӨСҮТ-д нийт 178 хүн байна. Үүнээс 141 нь эмчилгээнд бусад нь ажиглалтад байна” гэлээ.
А.Сүх