УИХ-ын гишүүд хамгийн олон удаа дуулиан дагуулсан мэдэгдэл хийснээрээ поп гэх хоч зүүсэн улстөрч бол Ж.Батзандан.

Чуулганы үеэр ярьдаг хэдхэн сэдэвтэй, олны өмнө гараад хэлдэг хэдхэн үгтэй түүний өнгөрсөнд хийж бүтээснийг эргүүцвэл хуруу дарам цөөн. Өнгөрсөн 2019 онд ШИНЭ намаа АН-аас гологдсон Л.Болд гишүүнтэй хамтарч байгуулсан.

Энэ удаагийн сонгуульд дангаараа өрсөлдөөд амжилт олохгүйгээ ухаарч Нарантуулын босс Ш.Сайхансамбуу, “давхидаггүй” Буянгийн Б.Жаргалсайхан тэргүүтэй хуучин бурхиудтай хамтарч оролцохоор болсон.

Улс төрийн шинэ өнгө, содон төрхөөс “ам” хоч зүүгээд буй тэрбээр энэ удаагийн сонгуульд Баянзүрх дүүрэгт дахин нэр дэвшихээр болсон. АТГ-т мэдүүлснээр өөрийнх нь 2019 оны жилийн орлого нь 28.5 сая, гэр бүлийн орлого нь 237 сая төгрөг, 300 сая төгрөгийн үнэтэй орон сууц, 1 ТЭРБУМ 290 САЯ төгрөгийн хурдан удмын 250 адуу, үхэр, хоньтой, нийт 107 сая төгрөгийн үнэт эдлэл, 31 сая төгрөгийн хадгаламж, гадаадын банкинд 1000 ам.доллар хадгалуулсан гэжээ.

Мөн бусдаас 240 сая төгрөгийн авлага, 16.5 сая төгрөгийн зээлтэй гэсэн бол “Доктор фарм”, “ЖБ Прайм”, “Крипто Үндэстэн” компаниас хувь эзэмшдэг гэжээ.

Тэгвэл тэрбээр УИХ-ын гишүүн болохоосоо өмнө түүний гэр бүлийн жилийн орлого 150 сая төгрөгөөс 498.7 сая бол өсч, 389.8 САЯ төгрөгийн мал нь 1 ТЭРБУМ 375 САЯ төгрөг болтлоо өсжээ.

Г.Нацаг