11400 хүнийг 26 тэрбум төгрөгөөр хохироосон "Жи-тайм" сүлжээний эрүүгийн хэргийн шүүхэд хянагдах хугацааг сунгажээ.
Тодруулбал, Нийслэлийн Прокурорын газраас 2015 оны Эрүүгийн хуулийн ерөнхий ангийн 1.9 дүгээр зүйлийн 1 дэх хэсэг, 3.1 дүгээр зүйлийн 1 дэх хэсэг, 3.2 дугаар зүйлийн 1 дэх хэсэгт заасныг журамлан Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2 дахь заалтад зааснаар яллах дүгнэлт үйлдэж ирүүлсэн яллагдагч Э.Оюунчимэгт холбогдох 201701000037 дугаартай эрүүгийн хэргийг Баянгол дүүргийн эрүүгийн хэргийн анхан шатны шүүх 2020 оны тавдугаар сарын 13-ны өдөр хүлээн авч, хэрэг хянан шийдвэрлэх ажиллагаанд байгаа юм байна.
Тус 586 хавтастай эрүүгийн хэргийг шүүгч уншиж танилцах шаардлагатай байгаа тул Ерөнхий шүүгчийн захирамжаар яллагдагчийг шүүхэд шилжүүлэх хугацааг 30 хоногоор сунгажээ.
