Ерөнхийлөгч асан, МАХН-ын дарга Н.Энхбаярын хүү Э.Батшугар Сонгинохайрхан дүүрэгт “Та бидний эвсэл”-ээс сонгуульд хүч үзэхээр батламжаа авсан. Уг нь МАХН-ын дарга Н.Энхбаяр  Баянгол дүүргээс хүүгээ Сонгинохайрхан дүүргээс нэр дэвшүүлсэн ч СЕХ-оос түүнийг нэр дэвших эрх олгоогүй юм.

Тодруулбал, Сонгуулийн тухай хуулиар авлига, албан тушаалын гэмт хэрэгт холбогдсон нь шүүхээр тогтоогдсон тохиолдол нэр дэвшүүлэхгүй гэсэн заалттай. Н.Энхбаярын хувьд өмчтэй холбоотой хэргээр ялласан гэх асуудал яригдаж, маргаан дагуулаад байгаа юм.

УИХ-ын 2020 оны ээлжит сонгуульд нийт 639 нэр дэвшигч өрсөлдөнө. Нэр дэвшигчдийн хөрөнгө орлогын мэдүүлгийн талаар АТГ-аас өнөөдрөөс олон нийтэд нээлттэй байршуулсан. Ингээд нэр дэвшигч Э.Батшугарын хөрөнгө орлогын мэдүүлгийг танилцуулъя.

Э.Батшугарын жилийн орлого 93 сая, гэр бүлийн гишүүдийн нийт орлого 611 сая төгрөг. 100 сая төгрөгөөр нийтийн орон сууц, 324 сая төгрөгийн тээврийн хэрэгсэл, 87 сая төгрөгийн хадгаламжтай. Мөн 2 тэрбум төгрөгийн зээлтэй гэж мэдүүлжээ.

А.Сүх