Монголын төмөр замчдын ажлын байранд нэг ч асуудал үүсээгүй гэдгийг УБТЗ ХНН-ийн төлөөлөл  өнөөдөр мэдэгдэл хийлээ. Энэ талаар Зорчигч тээврийн төвийн үйлчилгээ хариуцсан Л.Дэлгэрмаа "Монголын төмөр замчдын үйлдвэрчний эвлэлийн холбоо зөвхөн өөрсдийн үзэмжээр 16 мянга шахам төмөр замчдын өмнөөс мэдээлэл хийсэн нь төмөр замчдын нэр хүндийг унагаж байна.

Цар тахлын хүнд үед төсөр замчдын эрх ашгийг хөндөж, хохироосон нэг ч асуудал байхгүй. Хэдийгээр зорчигч, тээврийн хөдөлгөөн буурсан ч нэг ч ажлын байр цомхотгоогүй, үр дүнгийн урамшууллыг хасаагүй. 13 дахь сарын цалингийн үлдэгдэл 50 хувийг нийт ажилтнууддаа олгосон. Удирдах газрын зарим албаны 20 шахам ажилтан 5-6 өрөөнд ажлаа явуулж байхад Үйлдвэрчний эвлэлийн зургаан ажилтан тус тусдаа өрөөнд суух гэж зүтгэсэн" гэлээ.