Төрийн ордонд учир битүүлгээр амиа алдсан Г.Батхүү агсны хүү Б.Ганхөлөг АН-аас Өвөрхангай аймаг АН-аас нэр дэвшихээр болсон. Аавынхаа амиа алдсан хэргээр хуулийн байгууллагад хэдэнтээ хандаж, удаа дараа хэвлэлийн хурал зарласны дараа ийнхүү улс төрд орохоор шийдсэн гэхэд болно.

Аавынхаа улс төрийн болон Монголын Морин спорт, уяачдын холбооны ажлыг үргэлжлүүлэхээ ийн мэдэгдсэн түүний хөрөнгө орлогыг танилцуулъя.

Түүний жилийн орлого 6.4 сая бол гэр бүлийн орлого нь 2.6 сая төгрөг. Нийт 1 тэрбум төгрөгийн үнэ бүхий хоёр орон сууцтай, 430 сая төгрөгийн үнэтэй Mercedes Benz, G 500, Lexus, 570 автомашинтай бол 80 сая төгрөгийн өмчлөлийн газар, 25 сая төгрөгийн үнэт эдлэлтэй аж.

Мөн картын үлдэгдэл нь 600 мянган төгрөг бол 1.7 сая төгрөгийн авлагатай, "Шунхлай Групп", "Батган Транс" , "Батган Агро", "Эй энд Жи Транс", "Монгол Автомотив" компанийг 8.4-100 хувь эзэмшдэг гэсэн бол нийт 18 тэрбум 323 сая төгрөгийн хөрөнгө өвлөж авчээ.