УИХ-ын энэ удаагийн сонгуульд АН-ын хуучин болоод шинэ гишүүдийн хамтдаа нэгдэж, нийлж өрсөлдөх зорилт тавьсан. Энэ ч утгаараа Э.Бат-Үүл гарын гишүүдийн эрхийг сэргээж нэр дэвших боломж олгосон бол О.Баасанхүү, С.Жавхлан нэрийг урвуулан авсан юм. 

Тэгвэл 2016 оны сонгуулиар тойрог өгсөнгүй гэж намаасаа гарах өргөдлөө өгч байсан Ч.Даваабаярыг эгнээндээ мөн нэгтгэсэн аж. Түүний “Баялаг бүтээгчдийн холбоо” гэдгээс өөрөөр онцгойрч цойлох зүйл байхгүй.

Угтаа бол өмнөх сонгуульд нэр дэвшихээр Өвөрхангай аймгийг аль байдгаараа тордсон.

Гэвч эцсийн мөчид намдаа гологдсон учир тухирхсан сэтгэлээ намаасаа гарах өргөдөл өгснөөр илчилж бай. Гэсэн ч дахин намын нэрээр ийн дэвшихээр болсон байна.

Түүний хөрөнгө орлогын хувьд жилийн орлогт нь 595.6 сая төгрөг бол гэр бүлийн гишүүд нь 613 сая төгрөгийн орлоготой. Нийт 2 тэрбум 860 тэрбум төгрөгийн үнэ бүхий орон сууц, нийтийн орон сууцтай. 20 сая төгрөгийн үнэт эдлэл, 1 тэрбум 276 сая төгрөгийн хадгаламж, 401 сая төгрөгийн зээл, "Ийзи смарт солюшн", "Билэгт Дөлгөөн", "Ноён Пицца", "Масс эженси групп", "Интеркомерс", "Имерж медиа", "Элит Ноён Такси", "Эрдэнэс таван толгой" ХК зэрэг компанийг 60-100 хувь эзэмшдэг гэжээ.