Зургийг inews.mn

Энэ удаагийн сонгуульд залуу хуульчид хүч түрэн орж ирж буй. Тэдний нэг нь Ж.Эрхэмбаатар. Тэрбээр ТЕГ-ын дарга асан, хошууч генерал Б.Хурц нарт холбогдох хэргээр шүүхэд дуудагдсан есөн шүүгчдэгчийн нэгнийх нь өмгөөлөгчөөр ажиллаж байсан нэгэн. Үүнээс гадна УИХ-ын нэр бүхий гишүүд ЖДҮ-гийн асуудалд нэр холбогдоход хүчтэй шүүмжилж, ёс зүй нэхэж байсан хуульч юм.

Үеийнхээ төлөөлөл дундаас мэдлэг, боловсролтой хуульчдын тоонд зүй ёсоор багтдаг. Элдэв муу хэл аманд өртөж, попорсон мэдэгдэл хийсэн удаагүй гээд түүнд тооцоод байвал сайн тал олон бий. Ингээд УИХ-ын 29 дүгээр тойрогт бие даан нэр дэвшихээр болсон түүний ХОМ-ийг хүргэе. 

Түүний жилийн орлого 300 сая төгрөг бол гэр бүлийн орлого нь 100 сая төгрөг.

Нийт 850 сая төгрөгийн үнэтэй орон сууцтай бол 84 сая төгрөгийн үнэтэй автомашинтай, хадгаламж, авлагагүй, 25 сая төгрөгийн зээлтэй гэжээ.

Харин чамгүй олон компанийг эзэмдэг юм байна. Тухайлбал, "Лэгэспартнерс", "Өмгөөллийн Эрхэм энд Бэркли Нөхөрлөл", "Лэгэспартнерс", "Энержисаплай", "Энержисаплай", "Мастермикс", "Сэкюрбариус симпел билл", "Бродерс фор лайф", "Капиталпартнерс" гэсэн компанийг 50-100 хувийн хөрөнгө оруулжээ.

УБЕГ-ын нээлттэй мэдээллээр "Капиталпартнерс" ХХК нь банк бус санхүүгийн байгууллага бөгөөд 2009 онд байгуулагдсан.

Хувьцаа эзэмшигч нь Б.Болор гэж хүн байхаас гадна гүйцэтгэх захирлаар Д.Батцэцэг гэж хүн байдаг юм байна. Үйл ажиллагааны чиглэл нь гадаад валютын арилжаа гэжээ.

Г.Маргад