УОК-ын Шуурхай штабаас цаг үеийн асуудлаар мэдээлэл хийлээ.

Энэ үеэр Гадаад харилцаан яамны Консулын газрын дарга Л.Мөнхтүшиг “Оюутолгой” компани Австрали улс руу ажилчидаа хүргэхээр МИАТ компанийн онгоцыг түрээслэхээр болсон. Бид энэ боломжийг ашиглаж Австралиар иргэдээ энэ онгоцоор авчирна. Тэндээс ирэх хүсэлтэй 1200 иргэн бий. Нислэг үйлдэх бүх зөвшөөрлийг авсан. Түүнээс биш бид хэн нэгэн хүнийг авчрахаар нууцаар онгоц хөөргөх гэж байгаа юм биш. Энэ онгоцоор Австрали болон Филиппин улс дахь иргэдээ авчирна. Үүний дараа Казахстан руу тусгай онгоц хөөргөнө. Ингэхээд Төв Азийн бусад улсад байгаа иргэдээ энэ нислэгт хамруулна.

Үүний дараа Токио руу онгоц хөөргөнө. Японоос 1400 гаруй иргэн хүсэлт гаргасан. Тэдгээрийн олонх нь хоноглох байргүй, санхүүгийн хүндрэлд орсон.

Энэтхэгийн хувьд 230 ламхайг авчирна. Тэднийг авахдаа Лаос улсаас 13 иргэнээ авчирна. Тус улс нь агаарын болон автозамын хөдөлгөөнийг бүрэн хаасан. Солонгосын зүгээс Монгол, ОХУ-ын транзит зорчигчдыг авахгүй гэсэн шийдвэр гаргасан. Энэ дагуу солонгосын талтай ярилцаж байна. Учир нь олон улсын төвшинд агаарын хилээ хаасан ОХУ, Тайланд, Монгол зэрэг улсын иргэд онгоцны буудалд олон хоног хоноглосон асуудал гарсан. Тиймээс Инчион хотын захиргаанаас энэ урсгалыг зогсоох үүднээс ийм арга хэмжээ авсан гэж тайлбарласан. Олон улсын нислэгээ зогсоогоогүй онгоцны буудлыг нэг нь Инчион нисэх буудал. Өнөөдөр нислэгийн давтамж нэмэгдсэн. Тиймээс Америкт байгаа иргэдийн эх орондоо гол гарц нь Инчионоор дамжих. Мөн Зүүн өмнөд Азид байгаа иргэд хүнд байдалд байна. Харамсалтай нь, Тайланд агаарын замаа хаасан. Хэдийгээр Бангкок руу МИАТ онгоц хөөргөдөг ч нислэг үйлдэх боломжгүй байна. Тиймээс Инчионоор дамжуулж 500 гаруй иргэнээ хүлээж авах боломжтой гэж Солонгосын талд тайлбарласан. Асуудлыг дипломат шугмаар асуудлыг шийдэхээр ярилцаж байна.

Солонгост байгаа иргэдээ авахаар нислэг хөөргөх асуудлыг судалж байна. Европит байгаа иргэдээ авахын тулд Франкфурт руу онгоц хөөргөх нь зүйтэй гэж үзсэн. Тиймээс энэ чиглэлд онгоц хөөргөнө. Дээрх нислэгүүдээр нийт 2000 гаруй иргэн эх орондоо ирнэ. 

Үүний дараа дараагийн нислэгүүдийн хуваарыг тогтоно" гэлээ.