УИХ-ын 2020 оны ээлжит сонгуульд Ерөнхийлөгч Х.Баттулгын орон тооны болон орон тооны бус найман зөвлөх сонгуульд нэр дэвшинэ.  Тодруулбал, Иргэний нийгэм, хүний эрхийн бодлогын зөвлөх Г.Уянга, Эрүүл мэнд, хүний хөгжил, нийгмийн бодлого, иргэний оролцооны зөвлөх Д.Үүрийнтуяа, Байгаль орчин, хот, хөдөөгийн хөгжлийн бодлого, агаарын бохирдлын зөвлөх Д.Пүрэвдаваа, Соёл, шашны бодлогын зөвлөх Ц.Хулан болон П.Нүрзэд, А.Адъяасүрэн, Р.Булгамаа, О.Амгаланбаатар нар ээлжит сонгуульд нэр дэвшихтэй холбогдуулан үүрэгт ажлаасаа чөлөөлөгдөөд байгаа билээ. 

Бид энэ удаад Ерөнхийлөгчийн Соёл, шашны бодлогын зөвлөхөөр ажиллаж байсан Ц.Хулангийн хөрөнгө орлогын мэдүүлгийн онцлон хүргэж байна. Тэрбээр 2017 оны наймдугаар сараас эхлэн Ерөнхийлөгчийн зөвлөхөөр томилогджээ. Түүний хувьд сонгуульд бие даан өрсөлдөх юм.

Ц.Хулан нь жилийн 23.7 сая төгрөгийн орлоготой. Гэр бүлийн гишүүдийн нийт орлого 32 сая төгрөг. 48сая төгрөгөөр үнэлэгдэх нэг орон сууц, 37 сая төгрөгийн Nissan, Juke автомашинтай. 2.6 сая төгрөгийн хадгаламж, 15 сая төгрөгийн зээлтэй гэж мэдүүлжээ. Тэрбээр хамгийн бага орлоготой нэр дэвшигчийн нэгээр нэрлэгдэж байна.  

А.Сүх