Эрүүл мэндийн яамнаас ээлжит мэдээллээ хийлээ. 

Энэ үеэр ХӨСҮТ-ийн захирал Д.Нямхүү шинээр илэрсэн халдварын тохиолдлын талаар танилцуулсан юм. Тэрбээр "Энэ сарын 5-нд  ХӨСҮТ-ийн вирус судлалын хоёр, Зоонозын өвчин судлал болон Дархан-Уул аймгийн салбар лабораторид нийт 255 хүнд шинжилгээ хийсэн. Үүнээс 253 хүний шинжилгээнд коронавирус илрээгүй.

Халдвар илэрсэн хоёр хүн тавдугаар сарын 28-нд Алтанбулгийн хилээр орж ирсэн. Давтан шинжилгээгээр ийнхүү халдвар илэрсэн.  

Мөн нэг оюутан өнөөдөр эдгэрч гарлаа. Энэ нь 22 настай оюутан байна. 23 хоног эмчлэгдсэн. Одоогийн байдлаар нийт балагдсан тохиолдол 193 байна. Үүнээс 71 хүн эдгэрч гарсан. Биеийн байдлаар нь дүгнэвэл 108 нь хөнгөн, хүндэвтэр 14 хүн байна. Мөн коронавирустэй жирэмсэн гурван эмэгтэй, элэгний хавдартай нэг, чихрийн шижин өвчтэй нэг хүн эмчлэгдэж байна.  

А.Сүх