Хятадын үндэстэний машин үйлдвэрлэгч Сыфан компаниас судлан бүтээсэн 600 км цагийн хурдтай Маглев тэргийн туршилт энэ сарын 21-ны өдөр Шанхай хотын Түнжи их сургуульд амжилттай болжээ. Энэ нь Хятад улсын соронзон үйлчлэлээр ажилладаг хурдны галт тэрэгний судалгааны шинэ ололт юм.
Соронзон үйлчлэлээр ажилладаг Маглев хурдны тэрэг бүтээх төсөл 2016 оны долдугаар сараас эхэлжээ.
Энэ дөрвөн жилийн хугацаанд уг судалгааны баг Маглев хурдны тэрэг бүтээх технологийг эзэмшин хөдөлгөөнгүй тайван нөхцөлд ахин давтан бодит туршилт хийжээ. Харин энэ удаа хурдны галт тэрэгний гүйлтийн зам дээр анхны хөдөлгөөнт туршилтаа хийсэн байна.
Туршилтын тайлангаас судалгааг амжилттай болсон гэж дүгнэв. Мөн уг туршилтад оролцсон тэрэгтэй адилхан таван бүхээг бүхий хэсгийг судлан бүтээж байна. 600 км цагийн хурдтай Маглев цуваа хурдны тэргийг 2020 оны эцэст бүхэл системийн хувьд хурд, чадавхи, уялдан ажиллах талаар турших болно.
CCTV.COM
