Эрүүл мэндийн яамнаас ээлжит мэдээллээ хийлээ.
Энэ үеэр ХӨСҮТ-ийн захирал Д.Нямхүү “Энэ сарын 24-нд ХӨСҮТ-ийн вирус судлалын хоёр, Дархан-Уул аймаг, ЗӨНҮТ-ийн салбар лабораторид нийт 333 сорьцод шинжилгээ хийсэн. Үүнээс нэг хүнд коронавирус илэрлээ.
Тодруулбал, Сиэтл-Улаанбаатарын онгоцоор ирсэн нэг хүнд коронавирус илэрсэн. Халдвар илэрсэн иргэн 64 настай эмэгтэй байна.
Мөн өнөөдөр нэг хүн эдгэрч ХӨСҮТ-өөс гарлаа. Ингээд нийт батлагдсан тохиолдол 216. Үүнээс эдгэрсэн 169 байна. Эмчилгээнд байгаа 47 хүний биеийн байдлыг үнэлбэл 41 нь хөнгөн, зургаа нь хүндэвтэр байна.
Түүнчлэн өнөөдөр өглөө ОХУ-аас 114 зорчигч ирсэн. Гурван хүнийг сэжигтэй гэж үзэн ХӨСҮТ-т тусгаарласан" гэлээ.
А.Сүх