ЭМЯ-наас цаг үеийн асуудлаар мэдээлэл хийлээ. Энэ үеэр тус яамны Гадаад харилцаа, хамтын ажиллагааны хэлтсийн дарга Б.Янжмаа халдвар тархсан улс орнуудын нөхцөл байдлын талаар мэдээллийг өглөө.

АНУ: нэг өдрийн дотор нийт 37600 тохиолдол, 612 нас баралт шинээр бүртгэгдлээ. Ингэснээр тус улсын нийт 2 сая 374 мянган хүн халдвар авч 121800 гаруй хүн нас барлаа.

Бразил улс: Өнгөрсөн 24 цагийн дотор 39,400 тохиолдол бүртгэгдэж 1141 нас барлаа. Ингэснээр тус улсад батлагдсан халдварын тоо 1 сая 228 мянга гаруй болж, 54900 гаруй хүн нас барлаа.

БНЭУ: Сүүлийн нэг өдрийн дотор 16 мянга гаруй шинэ тохиолдол бүртгэгдсэн. Ингэснээр тус улсын халдвар авсан тохиолдол 470 мянга гаруй болж, дахин 418 нас баралт нэмж бүртгэгдсэн байна.

БНСУ: Сүүлийн нэг өдрийн дотор 39 тохиолдол нэмж бүртгэгдсэнээс 12 нь гаднаас зөөвөрлөгдсөн.

БНХАУ: Өнгөрсөн пүрэв гарагт 13 шинэ тохиолдол бүртгэгдсэнээс хоёр нь гаднаас зөөвөрлөгдсөн тохиолдол гэж мэдэгдлээ. Харин Бээжинд батлагдсан тохиолдлын тоо 280 боллоо гэлээ.