Ховд аймагт 27 настай эрэгтэй тарваган тахлын халдвар авсан нь батлагдаад байгаа. Үүнтэй холбогдуулж, нэгдүгээр хавьтлын 50 гаруй, хоёрдугаар хавьтал 400 гаруй хүнийг тогтоосон тухай Эрүүл мэндийн яамнаас мэдээлсэн.
Тарваган тахал өвчний сэжигтэй тохиолдол гарсантай холбогдуулан аймгийн Онцгой комисс өчигдөр хуралдаж, урьдчилан сэргийлэх, эрсдэлийг бууруулах зорилгоор Ховд аймгийн Жаргалант, Цэцэг сумдын нутаг дэвсгэрээс гарах, орох нийтийн болон хувийн тээврийн хэрэгслийн зорчих хөдөлгөөнийг зургадугаар сарын 29-ний өдрийн 22.00 цагаас тодорхойгүй хугацаагаар хязгаарлахаар болжээ.
