Дэлхий эрүүл мэндийн байгууллагаас ээлжит мэдээллээ хийлээ.
Дэлхий нийтэд 216 орны 10.4 сая хүн өвчилж, 507 мянган хүн эндээд байна. Сүүлийн хоёр хоногт 400 гаруй мянган хүн халдварлалаа. АНУ, БНХАУ, Англи зэрэг дэлхийн эрдэмтдийн бүрэлдэхүүнтэй математик судлаачид 1.7 тэрбум хүн өвчилж, хүндрэх эрсдэлтэй гэдгийг гаргажээ.
ЭМЯ-ны хэлтсийн дарга Д.Нарангэрэл "ДЭМБ-аас зарим улс оронд ахиц дэвшил гарсан ч цар тахал өндөр тархаж байна. Цар тахал буурах болоогүй байна. Хүн бүр өөрсдийгөө сэргийлэх арга байна. Өөрийгөө болон бусдыг хамгаалах, таны эрүүл мэнд таны гарт гэдгийг онцолсон. ОХУ-д нэг хоногийн дотор 6719 хүн өвчилж, 53 хүн эндлээ. 24 цагийн хугацаанд өвчлөл өндөр бүртгэгдсэн дөрвөн орны нэгээр нэрлэгдэж байна.
Иргэдийн хувьд анхаарал суларч амны хаалтаа зүүхгүй байна. Хүн бүр амны хаалтаа зүүх хэрэгтэй. Мөн коронавирусний цар тахал гамшиг гэж тодорхойлж байгаа учраас олноороо цугларахгүй байх, зай барих нь гамшгаас хамгаалах үндсэн арга юм" гэлээ.
А.Сүх
