Эрүүл мэндийн яамнаас ээлжит мэдээллээ хийлээ.
Энэ үеэр ХӨСҮТ-ийн захирал Д.Нямхүү “Энэ сарын 29-нд ХӨСҮТ, Дархан-Уул аймгийн салбар лабораторид нийт 357 хүнд хийсэн. Бүгд сөрөг гарсан.
Задалж хэлбэл, ажиглах байранд тусгаарлагдсан 261 хүний давтан, ажиглах байранд тусгаарлагдсан 66 хүний давтан, ХӨСҮТ хяналтад байгаа 70 хүн, тандалтын зорилгоор 6, ачаа тээврийн 23 жолоочид шинжилгээ хийсэн.
Нийт батлагдсан 220 хүнээс 175 нь эдгэрсэн. Одоо эмчлэгдэж байгаа 45 хүнээс 34 нь хөнгөн, 11 нь хүндэвтэр байна.
Эмчилгээнд хоёр жирэмсэн, хоёр хүүхэд байна. ХӨСҮТ-ээс эмчлэгдээд гарсан жирэмсэн эмэгтэй төрөх дөхсөн учраас дараагийн ажиглах байранд гаралгүйгээр ХӨСҮТ-д үргэлжлэн байрласан. Энэ эмэгтэй өнөөдөр өглөө 07.20 минутанд төрөөд охинтой боллоо. Баяр хүргэе. Дараагийн нислэгээр ирэх хүмүүсээ хүлээн авах бэлтгэл ажлаа хангаж ажиллаж байна.
А.Сүх