МАН-ын Бага хурал эхэллээ. Бага хурлаар Ерөнхий сайд болон Засгийн газрын бүрээлдэхүүнийг хэлэлцэх юм.

Хуралд УИХ-ын гишүүн асан Ж.Энхбаяр ирлээ. Түүнийг Батлан хамаагалахын сайдаар томилж магадгүй гэсэн бор шувуу өнгөрсөн өдрүүдэд ниссэн юм. Энэ талаар тэрбээр “Сонгуульд амжилттай оролцож, багаа удирдсан МАН-ын дарга У.Хүрэлсүхийг Ерөнхий сайдад дэвшүүлнэ.

Мөн намын ерөнхий нарийн бичгийн даргын асуудлыг хойшлуулсан. Намайг сайдаар дэвшүүлнэ гэсэн мэдээлэл би сонсоогүй” гэлээ.

Үндсэн хуулийн нэмэлт, өөрчлөлтөөр Засгийн газрын бүрэлдэхүүнд Ерөнхий сайдаас гадна УИХ-ын дөрвөн гишүүн давхар дээлтэй байж болно. Бусад сайд нар мэргэжлийн хүмүүс байх юм. Түүнчлэн Соёлын яам шинээр байгуулах талаар яригдсан. Энэ талаар УИХ-ын гишүүн Д.Тогтохсүрэн “Яамдын тоог нэмэгдүүлэх эсэх нь Ерөнхий сайдын өөрийнх бүрэн эрхийн асуудал” гэсэн тайлбар өглөө.

Б.Лхам