УОК-ын Шуурхай штабаас цаг үеийн асуудлаар мэдээлэл хийлээ.

ГХЯ-ны Консулын газрын дарга Л.Мөнхтүшиг “УОК-ын 24, 25 дугаар хуралдаанаар хилийн чанадаас нутаг буцах хүсэлтэй иргэдийг татан авах долдугаар сарын тусгай үүргийн нислэгийн хуваарийг гаргасан.

Бид ОХУ-д байгаа оюутнуудыг гуравдугаар араас хойш татан авч байгаа. Төгсөх курсийн оюутнууд голдуу үлдсэн. Тэднийг энэ сарын 5-6-ны өдрүүдэд татан авах шийдвэр гарсан. Мөн БНХАУ-аас ирэх хүсэлтэй 308 иргэдийг татан авна. УОК-оос гаргасан шийдвэрийн дагуу 3000 орчим иргэнийг татан авах тооцоо гарсан.

Түүнчлэн иргэддээ хандаж хэлэхэд зарим Элчин сайдын яамдад үймээн самуун гаргаж байна. Үймээн самуун гаргалаа гээд тухайн иргэдийг авна гэсэн үг биш. Бид аль болох байж болох хэмжээгээр нөөц боломжоо ашиглаад иргэдээ татан авахаар ажиллаж байна. Та бүхнээс хүлээцтэй байхыг хүсэж байна.

УОК-ын даргын зүгээс өмнөх таван шалгуураас гадна хоёр, гуравдугаар сараас хойш нутаг буцах хүсэлт гаргасан иргэдийг түлхүү аваарай гэсэн. Энэ хүрээнд дараагийн нислэгээр удаан хугацаанд хүлээж байгаа иргэдийг хамруулах чиглэл барьж байна. Үүний тулд иргэдийн хүсэлт гаргасан он сар өдрөөр нь шүүж, бүртгэнэ” гэлээ.

Энэ сард хилийн чанадаас иргэдээ авчрах тусгай үүргийн нислэгийн хуваарийг хүргэе.

Долдугаар сарын 2- Сөүл рүү хоёр нислэг

Долдугаар сарын 4- Токио

Долдугаар сарын- Сөүл рүү хоёр нислэг

Долдугаар сарын 9- Станбул руу транзит нислэг

Долдугаар сарын 15- Сөүл руу транзит нислэг

Долдугаар сарын 20- Сөүл

Долдугаар сарын 21- Токио

Долдугаар сарын 26- Франкфурт

Б.Лхам