Хөдөлмөр, нийгмийн хамгааллын яам хөгжлийн бэрхшээлтэй иргэдийн хөдөлмөр эрхлэлтийг дэмжих зорилгоор Японы олон улсын "Жайка" байгууллагатай хамтран төсөл хэрэгжүүлэхээр болжээ.
2016 оноос эхлэн дөрвөн жилийн хугацаанд тус байгууллагтай хамтран нийслэлийн хөгжлийн бэрхшээлтэй иргэдийн нийгмийн оролцоог сайжруулах хөтөлбөр хэрэгжүүлжээ. Улсын хэмжээнд 107 мянга орчим хөгжлийн бэрхшээлтэй иргэн байгаагаас 30 гаруй мянга нь хөдөлмөр эрхэлдэг аж. Төсөл дөрвөн жилийн хугацаанд хэрэгжих бөгөөд эхний ээлжинд 3-5 сая ам.доллар зарцуулах бөгөөд хөдөлмөр эрхлэлтэй холбоотой асуудлыг шийдвэрлэх талаар албаныхан хэллээ.
Мөн хөгжлийн бэрхшээлтэй иргэдэд чиглэсэн хэд хэдэн төсөл хөтөлбөр хэрэгжиж байгаагийн нэг нь Азийн хөгжлийн банкны дэмжлэгтэйгээр тэдний оролцоо, үйлчилгээг сайжруулах төсөл хэрэгжиж байна. Төслийн хүрээнд нийслэлд тэдгээр иргэдийн хөдөлмөр эрхлэлтийг дэмжсэн төв байгуулах юм. Түүнчлэн зургаан аймагт хөгжлийн бэрхшээлтэй иргэдийн бие даан амьдрах төв байгуулахаар төлөвлөжээ.
А.Сүх