Улсын төсөвтэй холбоотой асуудлаар Сангийн сайд Ч.Хүрэлбаатараас тодрууллаа.
-Зарим гишүүдийн зүгээс төсвийн тодотгол яаралтай хийх ёстой гэсэн байр суурийг илэрхийлж байна. Төсвийн тодотголыг боловруулж байгаа юу?
-Зургадугаар сарын 30-ны байдлаар Монгол Улсын төсвийн орлого 1.2 их наяд төгрөгөөр тасарсан. Үүнээс гадна Их хурлын бүтэц бүрэлдэхүүн байгуулагдаж байна. Ирэх долоо хоногоос Засгийн газрын бүтэц бүрэлдэхүүн батлагдаж цэгцрэх байх. 2020 оны УИХ-ын сонгуульд МАН төрийн эрхийг барихаар болсон. Мөрийн хөтөлбөр, Засгийн газрын шинэ бүтэц бүрэлдэхүүнтэй уялдуулан төсвийн тодотгол хийнэ.
-Шинээр хоёр яам байгуулах талаар яригдаж байна. Төсөв улам зузаарах эрсдэлтэй юм биш үү?
-Бүтэц бүрэлдэхүүн нь тодорхой болсны дараа ярья. Наана нь тааж яриад яах вэ.
-Ер нь манай улсын эдийн засгийн нөхцөл байдал ямар байна вэ?
-Төсвийн орлого 1.2 их наяд төгрөгөөр суурсан гэж дээр хэлсэн. Бусад орнуудтай харьцуулахад ковидыг дотооддоо алдаагүй. Хил хаалттай байгаа нь экспортод нөлөөлж байна. Улмаар уул уурхайд нөлөөлж байна гэсэн үг. Уул уурхайтай холбоотойгоор АМНАТ 50 орчим хувиар орлого нь буурсан байна.
-Гадаад худалдааг сайжруулахын тулд төсөвтэйгөө хэрхэн уялдуулах вэ?
-Төсөв хийхдээ бүх л зүйлтэй уялдуулдаг. Энэ зарчмаараа л явна.
Б.Лхам
Сэтгэгдэл (7)