УИХ-ын Анхдугаар чуулганы хуралдаанаар Ерөнхий сайдыг томилох асуудлыг хэлэлцэж эхэллээ. МАН-ын Бага хурлын шийдвэрээр Ерөнхий сайд У.Хүрэлсүхийг томилуулахаар Ерөнхийлөгчид хүргүүлснийг Төрийн байгуулалтын хороогоор хэлэлцэж дэмжсэн юм. Улмаар Байнгын хорооны санал дүгнэлтийг чуулганы нэгдсэн хуралдаанд танилцуулсны дараа гишүүд асуулт асууж, хариулт авч байна.
Н.Алтанхуяг: Та Ерөнхий сайдаар нэлээн хугацаанд ажиллачихлаа. Одоо үргэлжлүүлэн ажиллах гэж байх шиг байна. Та нар 62 болсон гээд аархах гээд байх шиг байна. Хууль журам мөрддөг баймаар байна. Улс орон даяар юу болж байгааг мэдэхгүй байна. Орхон аймагт нэр дэвшиж байхад хууль зөрчин шийдвэр гаргаж, ажлаасаа халагдсан асуудал өнөөдрийг хүртэл шийдэгдээгүй байна. Намын харьяаллаас болж ажлаас халагдаад, шүүхийн шийдвэр гарсан ч ажилдаа орж чадахгүй 2-3 жил болж байгаа хоёр хүн байна. Энэ хүмүүсийг ажилд нь авах уу. Хууль хэрэгжих үү?
У.Хүрэлсүх: Монголд хууль хэрэгждэг нийгэм байх ёстой гэж ойлгож байна. Энийг л бид баталгаажуулсан. Гаргасан хууль дүрэм хэрэгжихгүй байгаа бол хэрэгжүүлэх ёстой. Хуулийг хэрэгжүүлэхийн төлөө ажиллана.
С.Сүлд
Сэтгэгдэл (14)