УИХ-ын Анхдугаар чуулганаар Ерөнхий сайдаар У.Хүрэлсүхийг томилох асуудлыг хэлэлцэж байна. Энэ үеэр УИХ-ын гишүүн Т.Доржханд "Шинэ Үндсэн хуулийн хүрээнд ажиллахаар болсонд баяр хүргэе. Багаа өөрөө томилж, удирдах хариуцлагатай түүхэн цаг хугацаа гэж харж байна. Гурван зүйл захимаар байна. Нэгдүгээрт, Засгийн газрын бүтэц бүрэлдэхүүн цомхон чадварлаг байх ёстой.

Технологи, инновацийн яамыг байгуулж өгөөч. Хоёрдугаарт, нэгэнт өөрөө Засгийн газрыг байгуулж байгаагийн хувьд сайд нар нь мэргэжлийн баймаар байна. Бондын төлбөр, төсвийн алдагдалтай маш бэрхшээлтэй нөхцөлд Засгийн газраа байгуулах гэж байна. Хамгийн орхигдоод байгаа салбар нь Боловсрол, Эрүүл мэнд. Энэ хоёр салбарт мэргэжлийн зоригтой, ачаа үүрэх чадвартай залуусыг тавихыг хүсч байна.

Дэд сайд агентлагийн дарга нар, тэдгээрийг тойрсон зөвлөхүүдийг эр зоригтойгоор цомхотго. Маш хүнд байгаа үед үр ашиггүй албан тушаалыг хасч өгөөч. Олон жил ярьсан санхүүгийн салбарт реформ хийх ажлыг эхлүүлмээр байна. Ялангуяа банкны салбарт" гэлээ.

С.Сүлд