УИХ-ын Анхдугаар чуулганы нэгдсэн хуралдаанаар У.Хүрэлсүхийг Ерөнхий сайдаар томилох асуудлыг хэлэлцэж байна. Энэ үеэр гишүүн Ж.Мөнхбат "Гишүүд олон зүйл ярьж байна. Захиас даалгавар хэлж байна. Гэхдээ бид ажил хэрэгч юм ярих цаг болсон. Өр тавьсан, эдийн засгийн буруу бодлого явуулсан гэж ярьж байна. Буруу харуулсан уут шиг эдийн засаг өгсөн нь үнэн. Дээрээс нь хулгай хийсэн нь үнэн, Дубайн гэрээ, Эрдэнэт гээд. Үүнтэй тэмцсэн. Тиймдээ ч ард түмэн итгэл үзүүлсэн. Цаашдаа эвтэй ажиллах ёстой. Төрөө сайхан цэгцэлж, төр шиг байлгая. Ард түмний итгэлийг зүтгэлээр хариулах дөрвөн жил байх ёстой" гэв.