УИХ-ын Анхдугаар чуулганаар У.Хүрэлсүхийг Ерөнхий сайдаар томиллоо. Тэрбээр "Улсын эдийн засаг хүндхэн байгаа гэдэгтэй тантай санал нэг байна. УИХ, Засгийн газар байгаа боломж нөөцдөө тааруулж ажилласан гэж үзэж байна. Боломж нь л тэр. Би олон зүйл амлаж чадахгүй бас худлаа хэлж чадахгүй. Байгаа боломж нөөцдөө тааруулж ажлаа хийж байгаа. Цаашдаа ч тэгж ажиллана. Шинэ Засгийн газар байгуулагдаад төсвийн тодотгол хийнэ. Саарал жагсаалтаас гарна. Холбогдох баримт бичгүүдийг нь бүрдүүлээд өгчихсөн. Ажлын хэсэг ажиллаж байна. Хар тамхитай холбогдсон нөхдөдөө арга хэмжээ авсан. Цаашдаа ийм зохисгүй байдал гаргахгүйн төлөө бүх талаасаа хяналт тавьж ажиллана. Цагдаа, тагнуул ажиллаж байгаа. Харамсалтай нь бидэнд мэдэгдэхгүйгээр ийм зүйл хийж байна. Энэ бол гэмт хэрэг. Гэмт хэрэг баригдсан. Хар тамхи зөө гэж тэдэнд хэн ч үүрэг даалгавар өгөөгүй. Холбогдох хүмүүс нь гэмт хэрэг хийсэн. Энэ гэмт хэргээс урьдчилан сэргийлэх ажлуудыг зохион байгуулж байгаа.

Сонгуулийн ялалт, хариуцлагаар солигдож байна. Намайг дахин нэр дэвшүүлэн томилсон Та бүхэнд баярлалаа. Задарсныг засдаг, ядарсныг хайрладаг төртэй байхыг хүссэн. Үүнийгээ дахин нотолж харууллаа" гэсэн юм.

С.Сүлд