Энэ сарын 29-нд Toyota Alphard маркийн автомашин хүүхдийг буруу тээвэрлэж, хурд хэтрүүлж яваа бичлэг цахим орчинд цацагдсан.

Тус жолоочид Зөрчлийн тухай хуулийн 14.7 дугаар зүйлийн 32-т зааснаар тээврийн хэрэгсэл жолоодох эрхийг зургаан сарын хугацаагаар хасаж, 50 мянган төгрөгөөр торгожээ.

Энэ оны эхний зургаан сарын байдлаар зам тээврийн ослын улмаас нийт 182 хүн амь насаа алдсаны 82 нь хүүхэд байна. Иймд тээврийн хэрэгсэл жолоодогч та замын хөдөлгөөнд анхаарал болгоомжтой оролцох, өөрийн болон хайртай хүмүүсийнхээ амь нас, эрүүл мэндийг хамгаалахыг Тээврийн цагдаагийн албанаас  анхааруулж байна.