Энэ сарын 2-нд ХӨСҮТ-ийн вирус судлалын хоёр, Дархан-Уул аймаг болон ЗӨНҮТ-ийн салбар лабораторид нийт 194 хүнд шинжилгээ хийжээ. Шинжилгээний хариу бүгд сөрөг гарсан байна.
ХӨСҮТ-ийн Тандалт, судалгааны албаны дарга А.Амбасэлмаа “Шинжилгээнд АНУ-аас ирсэн 25, ХӨСҮТ-ээс эдгэрээд гарсан хүмүүсийн шинжилгээ, Орхон аймагт сэжигтэй тохиолдлоор тусгаарлагдсан хоёр, тандалтын зорилгоор авсан гурав, ачаа тээврийн 108 жолоочид тустус хийсэн.
Мөн өнөөдөр ХӨСҮТ-ээс хоёр хүн эдгэрч гарлаа. Нийт батлагдсан тохиолдол 220 байгаагаас 179 хүн эдгэрсэн. Одоо эмчилгээнд байгаа 41 хүний 35 нь биеийн байдал хөнгөн, зургаа нь хүндэвтэр байна.
Эмчилгээнд байгаа иргэдийн дунд хоёр жирэмсэн эмэгтэй, хоёр хүүхэд, архаг чихрийн шижинтэй нэг хүн байна.
Үүнээс гадна батлагдсан тохиолдол, тусгаарлах байранд ажиллаж байгаа эмч, эмнэлгийн ажилчдад давтан шинжилгээ хийсэн халдвар илрээгүй. БНСУ-ын тусгай үүргийн хоёр нислэгээр ирсэн иргэдийн шинжилгээг өнөөдөр хийж байна” гэлээ.
А.Сүх