БНСУ-д гурав дахь хорт хавдартайгаа тэмцэж байгаад тусгай үүргийн нислэгт багтан ирсэн Б.Мөнхтуяа бүсгүй бурхны оронд оджээ.
Тэрбээр Цэргийн төв эмнэлэгт 21 хоногийн тусгаарлалтад байсан юм. 2015 онд хөхний хорт хавдар гэх онош сонсож, хагалгаанд орсон Б.Мөнхтуяа жил гаруйн хугацаанд эмчлүүлж эрүүл болсон ч 2019 онд дахин хэвлий хэсэгт хорт хавдараар өвчилж сэтгэлийн тэвчээр, бяцхан үрсийнхээ төлөө даван туулж чадсан. Тэр бол тэвчээрийн дээдийг харуулсан, амьдралын амтыг мэдрүүлсэн чин зоригтон.
Амьдрал түүнд гурав дахь шалгуурыг тавьсан ч тэр бууж өгөлгүй тэмцээр байв. Өвдсөн гээд зүгээр суулгүй хүүхэд багачууд зориулан "Шидэт хуудас" номоо гаргаж нийгэмд эерэг хандлага түгээсээр байсан билээ. Гэвч бурхны оронд хийх үйл нь түүнийг дагуулан оджээ. Ум сайн амгалан болтугай!
Сэтгэгдэл (5)