НМХГ-аас хоол үйлдвэрлэл, үйлчилгээний газруудад энэ оны гуравдугаар сарын 01-нээс тавдугаар сарын 31-ний өдрийг хүртэлх хугацаанд хяналт шалгалт хийжээ. 

Хоол үйлдвэрлэлийн тоног төхөөрөмж, багаж хэрэгсэл, ажилтнуудын гар угаалга, халдваргүйжүүлэлтэд тавигдах шаардлагын хэрэгжилтэд үнэлгээ өгөх зорилгоор эрүүл ахуйн арчдасыг 151 цэгээс авч шинжлүүлэхэд 90 буюу 59.6 хувь нь стандарт, чанарын шаардлага хангаагүй үзүүлэлттэй гарсан байна. Гүйцэтгэлийн хяналт шалгалтаар давтан шинжилгээ хийлгэхэд 73 буюу 81.1 хувь нь стандарт, шаардлагад нийцсэн үзүүлэлттэй гарчээ.

Шалгалтаар 2687 зөрчил илрүүлж, 1819 буюу 67.6 хувийг нь арилгуулж, 114 аж ахуйн нэгж, иргэнд 805 заалт бүхий улсын /ахлах/ байцаагчийн албан шаардлага, 72 аж ахуйн нэгж, иргэнд 208 заалт бүхий албан даалгаваар хугацаатай үүрэг өгч, 786 заалт буюу 77.5 хувь нь биелэсэн байна. Шалгалтын явцад холбогдох хууль тогтоомжийг зөрчсөн 13 аж ахуйн нэгж, иргэнд зөрчлийн хэрэг нээн шалгаж , 80 аж ахуйн нэгж иргэд 40540.0 мянган төгрөгийн шийтгэл ногдууллаа. Баянзүрх дүүргийн Хэдо, Батсарай ХХК-иудын хоолны газруудад зөрчлийн хэрэг нээн үйл ажиллагааг түр хугацаагаар зогсоож, зөрчлийг арилгуулсан байна.