Монголын Админуудын нэгдлээс зохион байгуулах гэж буй хоёр дахь арга хэмжээ болох "Манай хашааг авраач" зорилтот аян өнөөдөр Сэлэнгэ аймгийн Хөтөл хотоос гараагаа эхлүүлж байна.
Маргааш "Халуун чулуу атгая" админуудын нэгдсэн цугларалт дээр аянаа албан ёсоор нээхээр төлөвлөжээ. Эхний аянд фэйсбүүкээр нэгдсэн 1000 орчим админууд оролцож Ковид 19 цар тахлын эсрэг нийгэмд бодит мэдээллийг албаны эх сурвалжуудаас шуурхай хүлээн авч түгээх, хуурамч мэдээллүүдийг олон нийтийн цахим сүлжээнээс устгах, богино хэмжээний кино, шторк, рекламуудыг бэлтгэн цахим сүлжээгээр түгээх аж.
Одоогийн байдлаар Монголын Админуудын нэгдэл 300 орчим сая төгрөгийн ажлыг сайн дураараа хийжээ.