Энэ сарын 3-нд ХӨСҮТ-ийн вирус судлалын хоёр, Дархан-Уул аймгийн салбар, ЗӨНҮТ-ийн явуулын лабораторид нийт 557 хүнд шинжилгээ хийжээ. Шинжилгээний хариу бүгд сөрөг гарсан талаар ХӨСҮТ-ийн захирал Д.Нямхүү мэдээллээ. 

Тэрбээр "Шинжилгээг задалж хэлбэл, Сөүлийн хоёр нислэгээр ирсэн 428 хүний эхний шинжилгээ сөрөг гарсан. Мөн ажиглах байранд тусгаарлагдсан 14 хүний давтан, Сэлэнгэ аймагт тусгаарлагдсан 14, ХӨСҮТ-д сэжигтэй тохиолдлоор тусгаарлагдсан иргэд, Алтанбулгийн боомтоор орж ирсэн ачаа тээврийн 23, Замын-Үүдийн хилийн боомтоор орж ирсэн 67 жолоочид халдвар илрээгүй. 

Өнөөдөр дөрвөн хүн эдгэрч, ХӨСҮТ-ээс гарлаа. Гурав нь жолооч байна. Үүний хоёр нь Беларусь улсын иргэн, нэг нь Орос улсын иргэн. 

Нийт батлагдсан 220 тохиолдлоос 183 нь эдгэрсэн. Одоо эмчлээглэж байгаа 37 хүнээс биеийн байдлыг үнэлбэл 31 нь хөнгөн, зургаа нь хүндэвтэр байна" гэв.

А.Сүх