Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр ХӨСҮТ-ийн захирал Д.Нямхүү "Энэ сарын 6-ны өдөр нийт 334 хүнд шинжилгээ хийсэн. Бүгдэд нь халдвар илрээгүй. Токио-Улаанбаатар чиглэлийн онгоцоор ирсэн зорчигчдоос халдвар илрээгүй. Өнөөдөр сайхан мэдээтэй.
22 настай залуу 48 хоног, 36 настай залуу 37 хоног, 51 настай эмэгтэй 21 хоног эмчилгээ хийлгээд эдгэрлээ.
Нийт 220 тохиолдлоос 188 хүнийг эдгээлээ. Одоо 32 хүн эмчилгээ хийлгэж байна. Эдгээрээс хоёр хүний биеийн байдал хүнд байна.
Алтанбулаг боомтоор орж ирсэн зорчигчдыг Дархан-Уул аймагт тусгаарласан гэлээ.
