Монголын жүдо бөхийн холбооны дэд ерөнхийлөгч, Батбаярын Ариун-Эрдэнэд жүдо бөхийн зургадугаар даны бүсийг жүдо бөхийн мастеруудын дэлхийн аварга ОУХМ Д.Батсайхан зүүж өгсөн бол өргөмжлөлийг Олон улсын жүдо бөхийн холбооны /IJF/ шүүгч нарын зөвлөлийн гишүүн, Монголын жүдо академийн урдирдах зөвлөлийн дарга М. Бөхбат гардууллан өглөө.

Уг арга хэмжээнд Монголын жүдо бөхийн холбооны дэд ерөнхийлөгч Н.Баттулга, Монголын жүдо бөхийн холбооны дэд ерөнхийлөгч Ж.Энхсайхан, Монголын жүдо бөхийн холбооны дэд ерөнхийлөгч Ц.Гэрэлт-Од, Сидней-2000, Афин-2004 зуны олимпийн наадамд оролцсон, азийн наадмын мөнгө, жүдо бөхийн азийн аварга шалгаруулах тэмцээн хүрэл медальт, Монгол Улсын найман удаагийн аварга, ОУХМ Ц.Очирбат, жүдо бөхийн азийн аваргын мөнгөн медальт Монголын Тулааны Урлаг, Тулалдааны Спортын Холбооны ерөнхий нарийн бичгийн дарга, ОУХМ Г.Дашдаваа нарын эрхэмүүд оролцсон юм.

ОУХМ Б.Ариун-Эрдэнэ нь жүдо бөхийн насанд хүрэгчдийн Монгол Улсын найман удаагийн аварга, жүдо бөхийн үнэмлэхүй жингийн аварга, ази тивийн аварга шалгаруулах тэмцээний мөнгө, "Чингис хаан" дэлхийн цомын мөнгө, зүүн азийн наадмын хүрэл, зүүн азийн аварга шалгаруулах тэмцээний хошой мөнгөн медальтай билээ.

Б.Жаргал