Хөвч тайга, хээр тал, говь цөл хосолсон үзэсгэлэнт байгаль, тал дүүрэн бэлчих таван хошуу мал, танан цагаан гэрүүд яахын аргагүй Монгол улсыг илэрхийлдэг билээ. Гэхдээ цаг хугацаа өнгөрөхийн хэрээр Монголчууд ч мөн адил даяаршил, техник технологийн дэвшилтэй хөл нийлүүлснээр аж амьдралын хэв маяг нь ихээхэн өөрчлөгдсөн. Хүмүүс уламжлалт хоол хүнснээс илүүтэйгээр эрүүл, органик бүтээгдэхүүнийг хүнсэндээ сонгож өргөн хэрэглэх болсон нь үүний нэг жишээ юм.

Зав чөлөөгүй ажиллаж, цагтай уралдах иргэдэд маань эрүүл хүнсний бүтээгдэхүүн, бүх төрлийн хольцыг маш боломжийн үнээр, хүссэн газраасаа худалдан авах боломжийг Тарва Ливинг компаний хамт олон та бүхэнд хүргэхээр хичээн ажиллаж байна.

2019 оноос эхлэн үйл ажиллагаагаа явуулж буй Тарва Ливинг компани нь өдгөө Монгол улсын зах зээлд Чех, Польш, Оросын 40 гаруй нэр төрлийн органик, цавуулаггүй, лактозгүй, веган, эрүүл  хүнсний бүтээгдэхүүнийг амжилттай нэвтрүүлээд байна. Уг 40 нэр төрлийн бүтээгдэхүүний талаас илүү буюу  24 нь Чех улсын “Лайффүүд” болон “Топнaтур” брэндийн бүтээгдэхүүнүүд аж.
Одоогийн байдлаар томоохон худалдааны төвүүд, сүлжээ дэлгүүр, органик дэлгүүрүүдэд нийт 35 борлуулалтын цэг байгаагаас 3 нь хөдөө орон нутагт буюу Дархан, Эрдэнэтэд байрлаж байгаа юм байна. Мөн 2 онлайн дэлгүүртэй хамтран Монгол улсын бүх аймаг, сумуудад эрүүл, органик, чанарын баталгаатай хүнсний бүтээгдэхүүнээ хүргэх боломжтой болжээ.
Хэрэглэгчдийн дийлэнхи нь тусгай хоолны дэглэм барьдаг, мөн цавуулаггүй, лактозгүй хүнсний бүтээгдэхүүн хэрэглэдэг, веган болон цагаан хоолтон 20-50 насны эмэгтэйчүүд, ээжүүд байдаг байна. Хэдий үйл ажиллагаагаа эхлээд удаагүй ч нэлээдгүй байнгын үйлчлүүлэгчидтэй болж олон хүмүүст эрүүл хоол хүнс хэрэглэх боломжийг бий болгож чадсан нь тун сайшаалтай.
Мөн Тарва Ливинг компаний хамт олон 2020 оны ээлжит парламентын сонгуулийн үеэр “ӨГЛӨӨ” хөдөлгөөнд нэгдэн сонгуульд саналаа өгсөн 18-35 насны 400 залуучуудад “Фит энд Слим” эрүүл амттаныг урамшуулал болгон өгч мөн эрүүл мэндэд тустай бараа бүтээгдэхүүнүүдээ танилцуулжээ. Үйл ажиллагаа тун өргөн цар хүрээг хамарсан бөгөөд 800 орчим залуус зорьж очин, үйл ажиллагаанд идэвхитэй оролцжээ.

Эрүүл хүсний бүтээгдэхүүн тийм ч сайн танигдаагүй, төдийлөн хүртээмжтэй борлуулагддаггүй, үнэ нь өндөр гэдгээс шалтгаалан Монголд саяхныг хүртэл эрүүл хүнсний бүтээгдэхүүн худалдаж авна гэдэг ихээхэн учир дутагдалтай байсан. Одоо харин Тарва Ливинг компаний ачаар боломжийн үнээр хүссэн газраасаа эрүүл хүнсний бүтээгдэхүүнээ худалдан авах боломжтой болжээ.
Цаашид Тарва Ливинг компаний хамт олон  органик, эрүүл, лактозгүй, цавуулаггүй- чихэр, жүүс, жигнэмэг, талхны бэлдэц, амттануудыг боломжийн үнээр оруулж ирэх, түүнчлэн вандуй, куиноа, бор будаа, цавуулаггүй гоймон зэргийг ресторануудад ихээр нийлүүлэх, нэг удаагийн савалгаатай илчлэггүй сахар, сахар орлуулагч, органик/веган хүүхдийн бүтээгдэхүүн, кето - бүтээгдэхүүн, хөхүүл, хүүхдийн веган бүтээгдэхүүн зэргийг үйлчлүүлэгчиддээ тогтмол хүргэхийн тулд  Чех улсын ханган нийлүүлэгчидтэй хамтран ажиллахад бэлэн байгаа ажээ.