УИХ-ын чуулганы нэгдсэн хуралдаанаар Засгийн газрын бүтэц, бүрэлдэхүүнийг баталсан. Ерөнхий сайд У.Хүрэлсүхийн өргөн мэдүүлж, батлуулсан бүтцээр Засгийн газар ирэх дөрвөн жилд 14 яам, 17 сайдтай ажиллахаар болсон бөгөөд ерөнхий чиг үүргийн зургаа,  чиглэлийн найман яамтай ажиллахаар болсон юм.

Үүнтэй холбоотойгоор МАН-ын Удирдах зөвлөлийн хурлыг 15.00 цагт товложээ. Хурлаар сайд нарын асуудлыг хэлэлцэх бололтой. Тавдугаар сарын 25-наас хүчин төгөлдөр мөрдөж эхэлсэн Үндсэн хуулийн нэмэлт, өөрчлөлтөөр Ерөнхий сайд танхимын сайд нараа өөрөө томилж, чөлөөлж, огцруулахаар болж байгаа юм. Сайд нарын хувьд УИХ-д тангараг өргөнө.

С.Сүлд