МАН-ын Удирдах зөвлөл Төрийн ордонд хуралдаж, У.Хүрэлсүхийн Засгийн газарт ажиллах сайд нарыг тодруулж байна. Зарим эх сурвалжийн мэдээлснээр У.Хүрэлсүхийн танхимын сайд нар эхнээсээ тодорч эхэлсэн бололтой. Ингэхдээ Сангийн сайдаар Ч.Хүрэлбаатар, Зам тээврийн хөгжлийн сайд Л.Халтар, ХХААХҮ-ийн сайдаар З.Мэндсайхан, Соёлын сайдаар С.Чулуун, Байгаль орчин, аялал жуулчлалын сайдаар Д.Сарангэрэл, Эрүүл мэндийн сайдаар Төрийн захиргаа, удирдлагын газрын дарга Б.Цогтбаатар, Барилга хот байгуулалтын сайдаар Б.Мөнхбаатар, Батлан хамгаалахын сайдаар Г.Сайханбаяр, Нийгмийн хамгаалал, хөдөлмөрийн сайдаар А.Ариунзаяа, Эрчим хүчний сайдаар Н.Тавинбэх, БСШУ-ын сайдаар одоогийн Төрийн нарийн бичгийн дарга Л.Цэдэвсүрэн нарын нэрс орж иржээ. Удирдах зөвлөлийн хурал үргэлжилж байна.

Үндсэн хуулийн нэмэлт, өөрчлөлтөөр Ерөнхий сайд Засгийн газраа гишүүдээ томилж, чөлөөлөх юм.

С.Сүлд