УИХ-ын Анхдугаар чуулган үргэлжилж байна. Энэ үеэр салбарын сайдуудад нэр дэвшигч нараас УИХ-ын гишүүд асуулт асууж, хариулт авч байна. Ингээд тоймлон хүргэе.

Б.Жаргалмаа: Соёл юунаас эхлэх вэ гэдгийг Соёлын сайдад нэр дэвшигч С.Чулуунаас асуумаар байна. Хүн амаа соёлоор хүмүүжүүлдэг байгаасай. Гар угаах чадварыг хүүхэддээ багаас нь олгодог байгаасай. Хүний хөгжил хүүхэд байхаас эхлэх учиртай. Урлагийн холбоодтой хэрхэн хамтарч ажиллах вэ. Хүүхэд, залуучуудын театр бий болгох талаар яаж ажиллах вэ. Боловсролын яаманд Зөв Монгол хүн хөтөлбөрийг хэрхэн үргэлжлүүлэн хэрэгжүүлэх вэ. Цахим орчинд бүдүүлэг үг хэллэг, буруу үлгэрлэл хэрээс хэтэрлээ.

Боловсрол, шинжлэх ухааны сайдад нэр дэвшигч Л.Цэдэвсүрэн таниас асуулт байна. Халаа сэлгээгээ битгий хийгээрэй. Сандал ширээ зөөж үргүй зарлага битгий гаргаарай.

С.Чулуун: Монголд монгол хүний үнэ цэн, үнэлэмж орхигдсон. Тиймээс боловсролын салбартай салшгүй хамтарч ажиллана. Мэргэжлийн ажилтны холбоодын зорилго, зорилт үйл ажиллагааг Засгийн газрын чиглэлтэй уялдуулж ажиллана. Хүүхэд залуучуудын театрын хувьд МАН-ын мөрийн хөтбөрт тусгасан, өнгөрсөнд ч, одоод ч. Нүүдэлчдийн соёлыг харуулсан театр байгуулахаар ажиллаж байна.

Энэ бүхэн нь хүүхэд залуучуудад мэдлэг түгээхэд ихээхэн дэмжлэг үзүүлнэ. Цахим орчин хүүхэд залуусын сэтгэлгээг эвдэж байна. Цахим орчинд монгол ахуй, соёлыг түгээсэн контент хэр олон бэлтгэж түгээнэ, тэр хэрээрээ соёлын дархлааг авч үлдэнэ. Тиймээс түлхүү анхаарч ажиллана.

Л.Цэвэдсүрэн: Шинжлэх ухааны ажилд зарцуулах төсвийг нэмэхээр МАН-ын мөрийн хөтөлбөрт тусгасан. Инновацийг сууршуулах, эрдэмтийн оюутны бүтээлийг үнэлэхэд чухалчлан ажиллана. Мэргэжлийн сургалт үйлдвэрлэлийн асуудал НХХЯ-нд хамаардаг. Гэхдээ уялдаа холбоог нь ярьж тохирно.