Улсын Онцгой комиссын ээлжит хуралдаан өнөөдөр боллоо. Хуралдаанаас гарсан дараах шийдвэрийг гаргасан байна. Үүнд, 

1. Улаанбаатар хотын автозамын 60 гаруй хувь нь ус зайлуулах шугамтай. Гэвч хуучин буюу насжилт өндөртэй замуудад ус зайлуулах шугам сүлжээ байдаггүй тул авто зам дагуу ус хуримтлагдах асуудал тулгарч байгаа учир ус зайлуулан шугам сүлжээг сайржуулах

2. Ховд аймгийн Цэцэг суманд бүртгэгдсэн тарваган тахлын улмаас хөл хорио тогтоосныг үргэлжлүүлэх үүрэг өглөө.

Түүнчлэн гадаад улсад байгаа иргэдээ татан авах ажил үргэлжилж байгааг мөн мэдээллээ. Тодруулбал, энэ сард өмнөх сараас 50 хувиар илүү буюу 3,000 орчим иргэнээ татан авч байгаа бол эх орондоо ирэх хүсэлтээ гаргасан 9,884 гаруй иргэнээ хэрхэн татаж авах, тусгаарлах байрны хүрэлцээг нэмэгдүүлэхээр судалж байгаа аж.

Мөн өндөржүүлсэн бэлэн байдал долдугаар сарын 15-ныг дуустал үргэлжилж байгаатай холбогдуулж, ариутгал халдваргүйтгэлийг чанартай хийж, аж ахуйн нэгж, үйлчилгээний байгууллагуудыг шат дараатайгаар нээж, 10,000 ажлын байрыг сэргээж байна. Цаашид үйлчилгээний байгууллагуудыг нээхээр ажиллаж бол Солонгос руу долоо хоног тутам чартер нислэг хийхээр судалж байна гэлээ.