Нийслэлийн "рокурорын газраас  “ДЦС-2“ ТӨХК-ийн гүйцэтгэх захирлаар ажиллаж байсан  С.Бямбаахүү,  “ДЦС-2 ” ТӨХК-нд  ерөнхий  ня-богоор ажиллаж байсан Б.Даваадуламд  нарт  Эрүүгийн хуулийн тусгай ангийн 23.2 дугаар зүйлийн 2 дахь хэсэгт заасан /Хуурамч бичиг баримт үйлдэх, ашиглах/ мөн хуулийн 22.1 дүгээр зүйлийн 1 дэх хэсэгт заасан  /Эрх мэдэл албан тушаалын байдлаа урвуулан ашиглах/, “Цагаан давс”  ХХК-ны захирал ажилтай Д.Баатарт Эрүүгийн хуулийн тусгай ангийн 23.2 дугаар зүйлийн 2 дахь хэсэгт заасан  /Хуурамч бичиг баримт үйлдэх, ашиглах/  гэмт хэрэгт  тус тус яллах дүгнэлт үйлдэж  ирүүлжээ.

2020 оны  долдугаар сарын 7-ны өдрийн  шүүхийн урьдчилсан хэлэлцүүлгийн хуралдаанд яллагдагч нар хэргийг хялбаршуулсан журмаар шийдвэрлүүлэх хүсэлт гаргасныг  шүүх хүлээн авч  хянан хэлэлцээд:

С.Бямбаахүүг Нийтийн албанд томилогдох эрхийг хоёр жилийн хугацаагаар хасаж, 7.450.000 төгрөгийн торгуулийн ялаар,  Б.Даваадуламыг нийтийн албанд  томилогдох эрхийг хоёр жилийн хугацаагаар хасаж, 5.850.000 төгрөгийн торгуулийн ялаар,  Д.Баатарыг Нийтийн албанд томилогдох эрхийг 2 жилийн хугацаагаар хасаж,  5.850.000 төгрөгийн торгуулийн ялаар тус  тус шийтгэсэн байна. 

Мөн С.Бямбаахүүгээс 14 сая төгрөг, Б.Даваадуламаас  дөрвөн сая төгрөг, Д.Баатараас 6.232.945 төгрөгийг тус тус гаргуулж  улсын  орлого болгохоор шийдвэрлэлээ.

Баянгол, Хан-Уул, Сонгинохайрхан дүүргийн

Эрүүгийн хэргийн анхан шатны шүүхийн Тамгын газар