Авлигатай тэмцэх газрын Хяналт шалгалт, дүн шинжилгээний хэлтэс нь зургадугаар сарын 29-нөөс долдугаар сарын 3-ний хооронд иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 38 гомдол, мэдээллийг шалгасан байна.
Өнгөрсөн долоо хоногт найман гомдол, мэдээллийг хянан шийдвэрлэсэн бөгөөд эдгээрээс нэг нь зөрчилтэй болох нь тогтоогдсон аж. Харин дөрвөн гомдолд ашиг сонирхлын зөрчил тогтоогдоогүй байна. Түүнчлэн харьяаллын дагуу хоёр гомдлыг шилжүүлж, хариу өгч буцаасан нэг гомдол, мэдээлэл байна. Одоогоор 30 гомдол, мэдээлэл шалгагдаж байна.
