Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр тус яамны хэлтсийн дарга Д.Нарангэрэл "Улсын хэмжээнд тусгаарлах байранд 341 хүн шинээр орж, гэрийн тусгаарлалтад 286 иргэн шилжсэн. Истанбул-Улаанбаатар чиглэлийн тусгай үүргийн онгоцоор 262 иргэн ирсэн. Зорчигчдоос таван хүнийг ХӨСҮТ-д тусгаарласан" гэв.
Түүнчлэн ХӨСҮТ-ийн захирал Д.Нямхүү "Нийт 328 хүний сорьцод шинжилгээ хийхэд халдвар илрээгүй. ХӨСҮТ-д 30 хүн эмчлүүлж байгаагаас гурван хүний биеийн байдал хүнд байна. Истанбул-Улаанбаатар чиглэлийн нисэх онгоцонд 42 настай эмэгтэй амаржиж, хоёр ихэр хүүхэдтэй болсон. Ихэр хүүхдүүдийг ХӨСҮТ-д тусгаарласан" гэлээ.