АТГ-аас Оюутолгой төслийн гэрээтэй холбоотойгоор Ерөнхий сайд асан С.Баяр, Сангийн сайд асан С.Баярцогт, Дубайд хийсэн гэрээтэй холбогдуулж Б.Бямбасайхан, Д.Ганболд нарыг шалгаж, хэргийг шүүхэд шилжүүлсэн билээ. Шүүх хурал 2020 оны долдугаар сарын 06-ны 09.00 цагт Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд дөрөв хоногийн турш үргэлжилсэн бөгөөд долдугаар сарын 16-ны 09.00 цаг хүртэл завсарлалаа.
Нийслэлийн прокурорын газар С.Баярцогт, Б.Ариунсан, Б.Бямбасайхан, Б.Бадрал, Д.Ганболд нарт холбогдуулан яллах дүгнэлт үйлдэж ирүүлсэн 461 хавтаст эрүүгийн хэргийг тус дүүргийн шүүх 2020 оны гуравдугаар сарын 23-ны өдөр хүлээн авч шүүх хуралдаанаар хянан хэлэлцэж байгаа юм.
Уг хэрэгтэй холбогдуулан Сангийн сайд асан Ч.Сайханбилэг өөрийгөө энэ хэрэгт буруугүй, улсад хохирол учруулах шийдвэр гаргаагүй гэдгээ өмнө нь мэдэгдэж байсан юм.
Сэтгэгдэл (4)