Монгол Улсын Ерөнхийлөгч Х.Баттулгын урилгаар ОХУ-ын Ерөнхийлөгч В.В.Путин 2019 оны есдүгээр сарын 3-ны өдөр Монгол Улсад хийсэн албан ёсны айлчлалын үеэр “Найрсаг харилцаа, иж бүрэн стратегийн түншлэлийн тухай Монгол Улс, Оросын Холбооны Улс хоорондын гэрээ”-нд хоёр улсын төрийн тэргүүн нар гарын үсэг зурсан билээ. Тэгвэл уг гэрээг ОХУ-ын Холбооны Хурал энэ оны долдугаар сарын 8-ны өдөр соёрхон баталсан байна.
Монгол Улсын Их Хурал дээрх гэрээг 2019 оны арваннэгдүгээр сарын 29-ний өдрийн чуулганы нэгдсэн хуралдаанаар хэлэлцүүлж, соёрхон батлах тухай хуулийг баталсан бөгөөд хоёр тал батламж жуух бичиг солилцсон өдрөөс гэрээ хүчин төгөлдөр болох юм.
Хугацаагүйгээр байгуулсан энэхүү гэрээний дагуу талууд тогтвортой, эрх тэгш, харилцан ашигтай хамтын ажиллагааг бүхий л салбарт өргөжүүлэн хөгжүүлэх нөхцөл бүрдэж байна.
Сэтгэгдэл (2)