Эрүүл мэндийн яамнаас цаг үеийн асуудлаар мэдээлэл хийлээ. 

Энэ үеэр тус яамны хэлтсийн дарга Д.Нарангэрэл "Цар тахал дэлхийн 216 улс орон, бүс нутагт тархаж, 12 сая 832 мянган хүн өвчилж, 567 мянган хүн амь насаа алдлаа. Сүүлийн 24 цагт 214 мянган хүн шинээр халдвар авлаа. Тодруулбал, АНУ-д 66 мянга, Энэтхэгт 27 мянга, Өмнөд Африкт 13 мянган хүн халдвар авсан. 

ОХУ-д 6611 хүн халдвар авсан. Тува, Буриадад өвчлөл нэмэгдсээр байна. 

АНУ-ын Ерөнхийлөгч Дональд Трамп амны хаалт халдвараас сэргийлэхгүй гэж эсэргүүцдэг байсан. Гэтэл энэ сарын 11-нд амны хаалт халдвараас сэргийлэх хамгийн найдвартай арга гэж уриалж, өөрөө амны хаалт зүүсэн. 

Зарим улс оронд коронавирусний эсрэг эм, бэлдмэл гэж хуурамч бүтээгдэхүүн худалдаалах гэмт хэрэг гарсаар байна. 

АНУ-д гэхэд хуурамч эмнээс болж олон хүн хордож, өвчилсөн. Тиймээс аливаа баталагаагүй эм, бэлдмэл худалдан авахаас болгоомжтой байх нь зүйтэй" гэлээ.