Баянгол дүүрэг дэх Цагдаагийн газрын хоёрдугаар  хэлтэст 2020 оны долдугаар сарын 12-ны өдөр "Баянгол дүүргийн 6 дугаар хорооны нутаг дэвсгэрт машины ард өөрийгөө боомилсон байдалтай хүүхэд байна" гэх дуудлага мэдээлэл иржээ.

Дуудлагын дагуу эргүүлийн офицер, цагдаагийн ахмад Г.Жонон, эргүүлийн цагдаа жолооч, цагдаагийн дэд ахлагч Ч.Отгонтөр нар нэг минутын дотор шуурхай очиж шалгахад 11 настай хүүхэд Стана маркийн автомашины ард талын тээшнээс уясан уяагаар тоглож байхдаа санамсаргүй байдлаар хоолойгоо боомилж ухаан алдаж, бие нь хөрсөн байдалтай байжээ.

Цагдаагийн алба хаагчид эмнэлгийн анхан шатны тусламж шуурхай үзүүлж амьсгал дэмжих массажийг 20-иод минут буюу түргэн тусламж иртэл хийж ухаан оруулан амь насыг нь аварлаа.

Иймд эцэг эхчүүдийг хүүхдээ хаана, юугаар тоглож байгаад хяналт тавихыг анхааруулж байна. 

Эх сурвалж: Баянгол дүүрэг дэх Цагдаагийн газрын хоёрдугаар хэлтэс