Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр ХӨСҮТ-ийн захирал Д.Нямхүү "Энэ сарын 12-нд нийт 143 хүний сорьцонд шинжилгээ хийхэд бүгдэд нь халдвар илрээгүй.
Өнөөдөр 80 настай эмэгтэй 24 хоног эмчлүүлээд эдгэрсэн мэдээ ирсэн. Монгол Улсад нийт 230 тохиолдол батлагдсанаас 203 нь бүрэн эдгэрч, дараагийн шатны хяналтад шилжсэн.
Энэ сарын 12-нд буюу өчигдөр Афганистанд энхийг сахиулах ажиллагаад оролцсон алба хаагчид эх нутагтаа эргэн ирсэн. Нийт 62 алба хаагчаас сорьц авах ажлыг хийнэ. Хоёр алба хаагчийг ХӨСҮТ-д тусгаарласан. Цэргийн төв эмнэлэгт нэг алба хаагчийг тусгаарлана.
Маргааш 51 алба хаагчид мөн ирнэ. Тэдгээрийг тусгаарлах, шинжилгээ авах ажил бүрэн хангагдсан" гэлээ.
Эрүүл мэндийн яамны хэлтсийн дарга Д.Нарангэрэл "Говь-Алтай аймагт 15 настай хүү нас барсан. Энэ талаар судалж үзэхэд хэд хоногийн өмнө хоёр найзын хамт тарвага агнаж идсэн гэсэн өгүүлэмжтэй эмнэлэгт хандсан байсан. Мэргэжлийн баг гарч шинжилгээ авсан. Сорьцоос тарваган тахалтай төстэй савханцар илэрсэн. Нарийн шинжилгээ хийхээр Зооноз өвчин судлалын төвд сорьц авчирч байна.
Тиймээс халдварт өвчин ихээр дэгдэж байгаа энэ үед тарвага агнахгүй байх, тарваганы мах идэхгүй байхыг иргэдэд анхааруулъя" гэв.
Сэтгэгдэл (2)